Kati ya mambo mengi yanayowakera watu na ambayo wangefurahi sana siku matatizo haya yaishe ni harufu mbaya mdomoni. Kitaalamu tatizo huitwa halitosis, ni moja ya sababu kuu inayowafanya watu kuhangaika huku na kule kutafuta msaada wa meno.
Najua umeshatumia tiba nyingi bila mafanikio, na pengine umemaliza pesa nyingi sana kwa madaktari. Leo nitakwelekeza tiba simple na bure kabisa ukiwa nyumbani kwako bila hata kutumia dawa na nitaanza na ushauri kisha tiba mbadala.
1.Kusafisha Meno Yako kwa usahihi
Kusafisha meno yako ndio tiba ya kwanza ya nyumbani ya kutibu harufu mbaya ya kinywa unayopaswa kutumia. Kumbuka kuwa chembe za chakula zinazobaki katikati ya meno yako. Pipi au chokoleti ulizokula ambazo zinaweza kuweka sukari kwenye meno yako, ni sababu za asili za harufu mbaya ya kinywa.
Tabia ya kusafisha meno yako mara mbili kwa siku itakuwa mojawapo ya tiba kuu za nyumbani za kutibu harufu mbaya ya kinywa. Hii itasaidia si tu kuzuia na kutibu harufu mbaya ya kinywa, bali pia kuhakikisha kuwa meno na fizi zako zinabaki na afya kwa muda mrefu. Hakikisha unaosha mdomo wako baada ya kula mchana bila dawa ya meno, na usiku swaki kwa dawa ya meno kabla ya kulala. Fanya hivi siku zote hasa kamma umekla vyakula vya sukari.
2.Majani ya Mint/mnanaa
Mint au mnanaa imekuwa ikitumika kwa muda mrefu kutibu maambukizi kifuani na tumbo. Majani ya mint yamekuwa yakitumiwa kusagwa na kutumiwa katika zama za kale kwa ajili ya kufanya meno kuwa meupe. Mint ina harufu safi, ambayo itakuwa muhimu kama tiba ya nyumbani inayofaa ya kutibu harufu mbaya ya kinywa. Unachohitaji kufanya ni kuchukua majani kidogo ya mint kisha tafuna taratibu baada ya mlo.
3.Mtindi na siagi
Mtindi na siagi vinajulikana kwa kiasi kikubwa kwa faida kubwa za afya na kwa kusaidia mfumo wa umeng’enyaji chakula. Harufu mbaya ya kinywa haitoki kinywani pekee, inaanzia tumboni mwako kwenye mfumo wa usagaji chakula. Kula kiasi kikubwa cha mtindi au kunywa kiasi kikubwa cha mtindi na ule siagi kila siku kutibu harufu mbaya ya kinywa.
4.Chai ya uwatu
Tiba nyingine ya asili ya kutibu harufu mbaya ya kinywa ni kwa kunywa chai ya mbegu za uwatu mara kwa mara. Unaweza kupata mbegu kama mbegu au ukapata unga wake. Vyote ni sawa na vinasaidia umeng’enyaji na kutibu matatizo ya umeng’enyaji chakula. Weka kijiko kimoja cha mbegu za uwatu ama unga wake kisha weka na maji kikombe kimoja na uchemshe kwa dakika 5, kisha kunywa taratibu kama chai.
5.Karafuu na harufu mbaya mdomoni
Tiba rahisi ya nyumbani ya kutibu harufu mbaya ya kinywa ni kutafuna karafuu au kunywa chai yake. Karafuu zinajulikana kwa ladha yake kali naa umetumiwa sana katika mapishi kwa ladha yake na faida za afya. Kwa kweli, si kila mtu anaweza kukubaliana mara moja na ladha na harufu ya mdalasini. Lakini bado ni tiba nzuri ya nyumbani ya kutibu harufu mbaya ya kinywa.
6.Limau kuondoa harufu mbaya mdomoni
Tiba nyingine ya asili ya kutibu harufu mbaya ya kinywa ni kutumia ndimu. Kama nilivoandika pale juu mapema, unaweza kunywa chai ya mbegu za uwatu kwa ajili ya kutibu harufu mbaya ya kinywa. Sasa unaweza pia kuongeza kiasi kidogo cha ndimu kwa ladha nzuri kuondoa harufu mbaya ya kinywa.
Njia nyingine ya kutumia ndimu kama tiba ya nyumbani ya kutibu harufu mbaya ya kinywa ni kwa kukamulia limau kwenye glasi ya maji. Baada ya hapo changanya vizuri na kunywa kama tiba ya haraka ya kutibu harufu mbaya ya kinywa.